Donation

શ્રી શાશ્વત ગિરિરાજના પવિત્ર સ્થાનમાં... દેવ દ્રવ્યના સંરક્ષણ પૂર્વક અનેક જીવોના દિલને હાશ અને આનંદિત કરવાપૂર્વક શ્રી સિદ્ધક્ષેત્રની આજુબાજુ ના રહેનારા વર્ગ ને ગિરિરાજ પ્રત્યે સદ્ભાવ અને બહુમાન પ્રગટ કરાવવાનો અનેરો લાભ...

પવિત્ર શત્રુંજય ગિરિરાજ ઉપર યાત્રિકો દ્વારા ઉત્તમોત્તમ દ્રવ્યપૂજા અર્થે સમર્પિત થતા શ્રેષ્ઠ ફળ અને સુંદર નૈવેદ નો પૂર્ણપણે સદ્ ઉપયોગ થાય તેવા ઉમદા હેતુ સાથે શ્રી પ્રાર્થના જૈન યુવક મંડળ - ભાવનગર દ્વારા પેઢીના નિયમોનુસાર આ ફળ અને નૌવેદને રોજ એકઠા કરી ઉપરથી મજૂરો દ્વારા નીચે લાવી પારણા ઘરમાં અલગ કરીને પવિત્ર શત્રુંજય ગિરિરાજની આસપાસના ગામોની સ્કૂલોમાં તથા સ્લમ વિસ્તારોમાં તેમજ તાલુકા - જિલ્લાના અનેક ગામોમાં હોસ્પિટલો જરૂરતમંદ સંસ્થાઓ તથા સ્કૂલો વિગરેમાં અજૈનોને અનુકંપા દાન સ્વરૂપે રોજબરોજ વિતરણ કરવામાં આવે છે. આ વિતરણ "આદિશ્વર દાદાની પ્રસાદી" સ્વરૂપે થઇ રહી છે.

જીવદયા નું જેટલું મહત્વ છે તેટલું જ મહત્વ "અનુકંપા દાન" નું પણ છે. આ આયોજનથી ગિરિરાજની આસપાસના ગામોમાં વસતા ગામજનોની તીર્થ તથા દાદા પ્રત્યેની આસ્થા પણ વધી રહી છે.

એક એવું સોનેરી સ્વપ્ન સેવ્યું છે કે ભાવનગર જિલ્લા માટે હવે પછીના સમય માટે એક કાયમી સહાય-ટેકો બની શકે એવું વિશાળ- વિરાટ ફાઉન્ડેશન બને કે જેમાં પૂ. ગુરુ ભગવંતોના આશીર્વાદ અને શ્રેષ્ઠીવર્યોની ઉદાર સખાવતથી એક એવા મજબૂત વિશાળ ફંડની રચના કરી હાલના સમયમાં તાતી જરૂરિયાત ધરાવતા બે ક્ષેત્રો એજ્યુકેશન અને હેલ્થના કાર્યોમાં જિલ્લાભરના સાધર્મિકોને ટેકારૂપ બની શકાય.

ઉચ્ચતર શિક્ષણના ક્ષેત્રે આગવી પ્રતિભા ધરાવતા વિશિષ્ઠ વિદ્યાર્થી યુવાન યુવતીઓ નાણાંકીય વ્યવસ્થાના અભાવે આગળ વધતા અટકી જાય છે. ત્યારે તેમને ટેકારૂપ બની તે આગળ વધે તે માટે હાયર એજ્યુકેશન સહાય આપી સમાજમાં તેજસ્વી અભ્યાસુ યુવા-વર્ગ તૈયાર કરવા અંગે કાર્ય વિચાર્યું છે.

સાથે સમયાનુસાર અનેક વિધ બીમારીઓના સમયે આપણા સાધર્મિક બંધુ અતિ વ્યથા અનુભવી રહ્યા હોય છે. મોટી વ્યાધિ કે સર્જરીના સમયે તેમની પાસે કોઈ વિકલ્પ નથી હોતો. પરંતુ આ ફાઉન્ડેશનમાંથી તેમને સહાયરૂપ બની તેમની આંખોના આંસુ લૂછવાનું પ્રયોજન કરેલ છે.